Martin Braithwaite edhe zyrtarisht ka trashëguar numrin 9 të Luis Suarez te Barcelona.
Suarez këtë afat kalimtar ka kompletuar transferimin nga Barcelona te Atletico Madrid për gjashtë milionë euro.
Uruguaiani ka fituar 13 trofe gjatë kohës së tij te Barcelona, duke shënuar 198 gola në 283 ndeshje, por u largua nga klubi mes shumë polemikave, me Ronald Koeman e nuk llogariste në shërbimet e tij.
Barcelona nuk ishte në gjendje të transferonte një pasues të denjë për Suarez, dhe ka vendosur që numrin e fanellës së tij t’ia dorëzojë Martin Braithwaite.
Braithwaite ishte transferuar te Barcelona në fillim të këtij viti, me katalanët që ishin kritikuar për këtë blerje, me futbollistin që kishte dështuar në Premierligë.
