Sulmuesi Vedat Muriqi, nuk mundi t’i bashkohej Kosovës në ndeshjen mjaft të rëndësishme kundër Maqedonisë së Veriut, pasi gjendja e tij fizike nuk ishte e duhura.
Ai fillimisht me tu transferuar te Lazio u prek nga COVID-19, ku qëndroi në Stamboll deri në shërim, ndërsa vetëm në ditët e fundit ishte bashkuar me ekipin, duke bërë stërvitje të diferencuara.
Sulmuesi shqiptar e ka mbajtur stërvitjen e parë nën urdhrat e Simone Inzaghit, së bashku me transferimin tjetër të klubit, Andreas Pereira i ardhur nga Manchester United.
Madje sipas ueb faqes së afërt me klubin, “lalaziosiamono”, Muriqi ka shkëlqyer në seancën e parë stërvitore.
Muriqi ka dhuruar spektakël në stërvitje me Lazion, duke shënuar dy gola në ndeshjen e zhvilluar mes lojtarëve në fushë të reduktuar.
Madje njëri gol sipas kësaj ueb faqeje ishte i bukur, që erdhi me një goditje me këmbën e djathtë.
Ai tashmë ka filluan të vlerësoheshin në “Formello”, qendra stërvitore e klubit.
