David Alaba do të largohet në verën e vitit të ardhshëm nga kampioni evropian Bayern Munich.
Mbrojtësi austriak është futur në vitin e fundit të kontratës dhe nuk ka marrëveshje për një kontratë të re.
Lojtari është kërkuar nga shumë skuadra të mëdha, por edhe kampionët aktual të Evropës i kanë ofruar kontratë të re, por që nuk kanë arritur marrëveshje për një gjë të tillë.
Real Madrid, Barcelona, PSG, Arsenal, Chelsea, Inter e Juventus janë skuadrat që kanë kërkuar shërbimet e tij.
Mediat në Itali janë të sigurta, se Alaba tanimë ka vendosur për skuadrën e tij të re dhe ajo është Juventusi.
Austriaku nuk do të rinovojë kontratën me Bayernin dhe do t’i bashkohet Zonjës së Vjetër si futbollist i lirë në qershor të vitit 2021.
Kësisoj me ardhjen e Alabas, Juventus do ta nxjerr në shitje mbrojtësin brazilian Alex Sandro për t’i lënë formacionin bazë austriakut.
