Shqiptarët po dominojnë në elitën e futbollit të Maqedonisë së Veriut. Shkëndija dhe Shkupi, dy skuadra shqiptare që prijnë në krye të tabelës, që secila ka nga 22 pikë.
Përveç luftës për titull, vazhdon edhe gara e ashpër se cili do të jetë shënuesi më i miri i kampionatit.
Dembo Darbo (10 gola) që luan për Shkupin dhe Besart Ibraimi (9 gola) për Shkendijën, prijnë në listën e shënuesve apo janë “bombardues” me gola.
Kështu që edhe këtu do të ketë një betejë midis dy lojtarëve, njëri që luan për skuadrën nga Çairi dhe tjetri për kuqezinjtë e Tetovës.
“Të dy janë në formë të shkëlqyeshme këtë sezon. Të dy janë lojtarët kryesorë në ekipet e tyre. Futbollisti nga Gambia ka një avantazh të vogël, ai ka më shumë gola. Përndryshe, ai i ka shënuar dhjetë gola, kundër Shkendijës (2 gola), Makedonija GP (1), Bellasicës (2), Pelisterit (1), Renovës (1), Borecit (2), A. Pandevit (1).
Besart Ibraimi i shënoi nëntë gola, në ndeshjet me Makedonija GP (1), Bellasicën (2), A. Pandevin (2), Pelisterin (1), Sileksin (1), Vardarin (1), Rabotniçkin (1)” , shkruan mes të tjera media maqedone “Sportmedia”.
Fakti interesant është që të dy shënuan nga katër gola nga pika e bardhë. Darbo ishte i saktë nga penalltitë ndaj Makedonija GP (1), Bellasica (1), Boreci (2), ndërsa Ibraimi goditi saktë kundër Makedonija GP (1), Bellasica (1), A. Pandev (1) dhe Pelisteri (1).
