Sezonin e ri futbollistik Partizani i trajnerit Ilir Daja e nis me turin e parë të Kupës së Shqipërisë, ku sipas shorit, të kuqtë presin Ilirinë e Fushë-Krujës, që këtë edicion do të militojë në Kategorinë e Parë.
Kupa nis me ndeshje teke dhe Partizani është pritës.
Ndaj Ilirisë do të luhet më 1 nëntor dhe me shumë mundësi Partizani do të zgjedhë stadiumin e qytetit të Librazhdit për të pritur Ilirinë, pasi ka krizë terrenesh në kryeqytet.
Të kuqtë mund të luanin këtë raund në komplekset me bar sintetik, por dihet se dëshira e trajnerit është fusha me bar natyral. Në rast kualifikimi, në tyrin e dytë Partizani i bie të përballet më 12 nëntor me fituesin e çiftit Apolonia-Turbina.
