Elita e futbollit në Maqedoninë e Veriut rikthehet nesër (e shtunë) nga pezullimi njëjavor për shkak të rritjes së rasteve në shtetin fqinj.
Në program për ditën e nesërme janë pesë takime interesante dhe do të ketë edhe derbi lokal.
Shkëndija e Tetovës e luan si mysafir derbin lokal kundër Renovës, ndeshje kjo që fillon nga ora 13:30.
Në anën tjetër, klubi shqiptar nga kryeqyteti, FC Shkupi është po ashtu mysafir i skuadrës së Rabotnickit.
Gjithashtu edhe kjo ndeshje do të fillojë nga ora 13:30.
Të gjitha ndeshjet do të luhen pa praninë e publikut, për shkak të masave të marra për parandalimin e pandemisë Covid-19.
