Reprezentuesi i Kosovës, Florian Loshaj, është në formë më të mirë dhe me golin e tij sot ka lënë të gjithë pa fjalë.
Ai me skuadrën e tij Cracovia triumfuan me rezultat 3:1 ndaj Jagiellonias, në takimin e javës së 9-të të elitës së futbollit polak.
Në minutën e 87-të mesfushori Loshaj godet me kokë nga rreth 12 metra dhe topi përplaset në këndin e poshtëm të djathtë të portierit Weglarz.
Për Cracovian shënuan Vestenicky (25'), Loshaj (87') dhe Thiago (90+1') dhe për mysafirët Imaz (39').
Loshaj u fut në lojë në minutën e 86-të dhe pas një minute realizon. Jagiellonia zë pozitën e 8-të me 11 pikë, ndërsa Cracovia është në të 11-tën me 9 pikë.