Futbollisti i Feronikelit Bedri Greca reagoi për herë të parë pas akuzave nga ish-trajneri i ekipit Avni Hasani në media se ai ka dhunuar njërin prej punëtorëve të fushës dhe se tekniku i ri Klodian Duro po drejton në mënyrë skandaloze.
Ish-futbollisti i Tiranës dhe Laçit u shpreh për “Blic” se nuk mban përgjegjësi për largimet që ndodhin nga skuadra, ndërsa refuzoi që incidenti në fjalë të ketë ndodhur. Në të njëjtën kohë, Greca theksoi se ndihet i lumtur te Feronikeli.
“Jam shumë i lumtur në klubin e Feronikelit edhe me drejtuesit kam raporte shumë të mira, nuk është faj im se ka skarcime në ekip. Nuk kam të bëj fare me atë çështje. E përsëris, jam shumë i lumtur këtu dhe e dua këtë ekip. Nuk ka asnjë lloj rrahje nga ana ime, do të vazhdoj të jem pjesë e kësaj skuadre”, deklaroi Greca.
Deklarat e ish-trajnerit Avni Hasani kanë shkatuar bujë dhe polemika në Kosovë, pasi skuadra nuk po arrin dot rezultatet pozitive.