Kombëtarja e Kosovës është nisur në mëngjesin e sotëm drejt kryeqytetit slloven, Ljublana.
Pas miqësores me Shqipërinë (2:1), “Dardanët” sot janë nisur drejt Sllovenisë.
Futbollistët e Kosovës janë nisur nga aeroporti “Nënë Tereza” në Tiranë.
Me ekspeditën nuk ka udhëtuar Bersant Celina, i cili shkaku i lëndimit ka udhëtuar drejt Kosovës për t’u rikuperuar për ndeshjen me Moldavinë.
Kundër Sllovenisë, Kosova do të luajë nesër (e diel) me fillim nga ora 20:45 në kuadër të Ligës së Kombeve.
Të gjithë futbollistët e Kosovës rezultuan negativ në testet COVID-19.