Berisha momentalisht luan në elitën e futbollit norvegjez te skuadra e Vikingut.
Ai fillimisht nuk është ftuar nga Norvegjia, por pasi skuadra e parë kombëtare dhe stafi janë dashur të futen në izolim shkaku i rasteve me COVID-19, është formuar një përbërje e re për ndeshjen e të mërkurës ndaj Austrisë.
Ndeshja e Norvegjisë ishte paraparë të luhej mbrëmë (e diel) në udhëtim te Rumania, por që u anulua.
Berisha ka katër ndeshje të luajtura me përfaqësuesen e Norvegjisë dhe e ka realizuar një gol.
Veton Berisha është vëllai i Valon Berishës, që mbron ngjyrat e Përfaqësueses së Kosovës.
Austria kryeson Grupin 1 të Ligës B me 12 pikë, para Norvegjisë që zë vendin e dytë me nëntë pikë.
