Ish sulmuesi i Crystal Palace dhe Fulhamit, Shefki Kuqi ka komentuar lojën e Vedat Muriqit.
Shefki Kuqi ka folur rreth yllit të Kosovës, Vedat Muriqit duke e kritikuar për lojën altruiste që ai po bën.
“Për mendimin tim, Muriqi 80% të pjesës së parë e ka kaluar në fushën tonë (në takimin ndaj Sllovenisë). Ai po vjen shumë mbrapa duke tentuar të kyqet në lojë”.
“Kjo është problem pasi ne i kemi anësorët e shpejtë, por nëse vazhdimisht Muriqi vjen mbrapa atëherë neve na humbet shpejtësia e anësorëve” – u shpreh ai.
“Unë e kuptoj plotësisht Muriqin se ndoshta si sulmues edhe vet unë i kam bërë këtë gabime se shkon një kohë e gjatë pa e prekur topin, por aftësitë e Muriqit duhet të jenë më afër zonës kundërshtare” – tha ai.
Vedat Muriqi ishte njëri nga lojtarët më të mirë të Kosovës në humbjen ndaj Sllovenisë, ku edhe shënoi golin e vetëm për “Dardanët” në minutën e 58-të pas një asistimi të Bernard Berishës.
