Skuadra e Lazios sot zhvillon sfidën në udhëtim ndaj Crotones në kuadër të Series A.
Takimi është parashikuar të filloj nga ora 15:00, dhe është i vlefshëm për javën e tetë në kampionatin italian.
Por, vërshimet që kanë përfshirë qytetin e Crotones kanë ndikuar që autoritetit lokale ta shqyrtojnë mundësinë e anulimit të ndeshjes.
Drejtori sportiv i Crotones, Ursino u shpreh për mediat se ende nuk ka një njoftim zyrtar lidhur me sfidën ndaj Lazios.
“Situata është e rëndë por ende nuk kemi pranuar ndonjë indikacion për anulimin e ndeshjes. Me informatat që kemi tani do të luajmë por mbetemi në kontakt me autoritetet lokale” – u shpreh ai.
Qyteti i Crotones gjendet në Kalabri, në jug të Italisë dhe ditëve të fundit ka pasur reshje të mëdha atmosferike që kanë shkaktuar vërshime të shumta në zonat urbane.