Maradona do të mbahet mend gjatë jo vetëm si njëri prej lojtarëve më të mëdhenj të të gjitha kohërave, por dhe si njeriu që mbrojti me vendosmëri kauzat e drejta për popujt e varfër.
Ish-presidenti i Bolivisë Evo Morales shprehu dhimbjen për vdekjen e mikut të tij Maradona. Ai shkruan në rrjetet sociale se për Diegon nuk qan vetëm futbolli, por e gjthë bota.
“Me dhimbje në zemër mësova lajmin e vdekjes së vëllait tim të zemrës.
Një njeri që ndjeu dhe luftoi për drejtësi, futbollisti më i mirë në botë.
Diego ishte një mbrojtës i madh i kauzave të drejta dhe populli bolivian e donte shumë. Ishte një mik i madh i çështjeve të drejta. Për të nuk qan vetëm futbolli, por të gjithë popujt e botës”, shkruan ish-presidenti i Bolivisë.