Barcelona në kërkim të trajnerit të ri

Futboll

Barcelona në kërkim të trajnerit të ri

Më: 28 tetor 2021 Në ora: 12:55
Barcelona në kërkim të trajnerit të ri

Ronald Koeman i përket tashmë historisë së Barcelonës, pasi është shkarkuar menjëherë pas humbjes ndaj Rayo Vallecanos dhe drejtuesit e klubit katalan janë vënë menjëherë në lëvizje për të gjetur trajnerin e ri që do të marrë drejtimin e ekipit.

Mediat spanjolle zbulojnë se duke qenë se sfida e ardhshme është vetëm dy ditë më vonë ndaj Deportivo Alaves, drejtuesit e klubit pritet t’ia besojnë drejtimin e përkohshëm të skuadrës, trajnerit Sergi Barjuan, i cili është aktualisht trajner i Barcelonës B.

Sa i përket trajnerit të ri të përhershëm, të gjitha rrugët të çojnë te Xavi Hernandez. Ky i fundit nuk e ka fshehur asnjëherë dëshirën për të marrë drejtimin e katalanëve, skuadër në të cilën është rritur dhe ka shkruar historinë si futbollist.

Vetëm pak ditë më parë Xavi deklaroi gatishmërinë për t’u ulur menjëherë në pankinën e Barcës dhe së fundi mësohet se ka pasur edhe kontakte direkte me presidentin Joan Laporta, megjithatë para se të firmosë, ish kapiteni do të kërkojë edhe plotësimin e disa kushteve.

Aktualisht Xavi drejton Al Sadd në Qatar, po ka një klauzolë në kontratë, që mund të largohet menjëherë, nëse i vjen një ofertë nga Barcelona, ndaj nëse arrin marrëveshjen, mund të fluturojë drejt Katalunjës.

Plani B për momentin mbetet Marselo Gallardo, trajneri aktual i River Plate, që po bën mjaft mirë me klubin argjentinas dhe gëzon simpatinë e Laportës, megjithatë problem mbetet fakti që për të duhet paguar edhe një dëmshpërblim për prishjen e kontratës aktuale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat