Ky është një informacion që mund të shkaktojë shumë diskutime.
Sipas “Radio e Televisao de Portugal”, Lionel Messi ka fituar çmimin e “Topit të Artë” për vitin 2021. Media portugeze pretendon se lojtari argjentinas ka fituar për herë të shtatë çmimin e lojtarit më të mirë, duke e pasuar veten, fitues në vitin 2019.
Edicioni i vitit 2020 u anulua për shkak të pandemisë së koronavirusit.
Sipas medias portugeze, sulmuesi i Paris Saint-Germain është informuar se kishte fituar këtë çmim dhe madje ka dhënë tashmë intervistën e zakonshme për France Football, organizator historik i ngjarjes. Ndërsa emrat e Karim Benzema, Robert Lewandowski dhe Cristiano Ronaldo ishin përmendur, fituesi i Kupës së Amerikës do të bëhet lojtari i parë që fiton shtatë herë “Topin e Artë”.
Kujtojmë se trofeu do të ndahet më 29 nëntor, në Paris.
