La Liga ka bllokuar rikthimin e Dani Alvesh në Kamp Nou pasi nuk besojnë se paga e brazilianit do të jetë 1 euro.
Pas 8 viteve të kaluara me Barcelonën ndërmjet 2008 dhe 2016, Alvesh u largua te Juventusi, më pas kaloi disa aventura të tjera te PSG-ja e Sao Paolo në Brazil.
38-vjeçari provoi dhe më herë t’i bashkohej Barcelonës, por Ronald Kuman nuk e preferoi një lëvizje të tillë, ndërsa me ardhjen e Çavit në stolin e katalanasve, situatat ndryshoi duke rritur hamendësimet që braziliani do të ribashkohej sërish me ish-shokun e skuadrës.
Por kjo gjë nuk do të ndodhë, pasi La Liga nuk beson që paga e mundshme e Dani Alvesh mund të paguhet vetëm 1 euro. Kriza që po kalon Barcelona ka bërë që të hedhë sytë nga senatorët e vjetër, por rregullat e federatës janë të qarta dhe nuk do të ketë përjashtime.