Manchester City i do Benzeman e Modricin 

Futboll

Manchester City i do Benzeman e Modricin 

Më: 29 nëntor 2021 Në ora: 16:21
Benzema dhe Modric

Dy yjet e Real Madridit mund të përfundojnë tek kampioni aktual anglez në fund të këtij sezoni

Manchester City ua ka vënë syrin yjeve të Real Madridit.

Në fakt, kampioni aktual anglez synon ta transferojë Karim Benzeman.

Mediumi “El Nacional” raporton se “Citizens” do ta bëjnë ofertën e tyre për 33 vjeçarin verën tjetër.

Në vitin 2022, Benzema do të hyjë në vitin e fundit të kontratës dhe nëse nuk e vazhdon atë, ai mund të përfundojë në “Etihad Stadium”.

Reali mund të shesë lojtarin vitin tjetër, para se ta humbiste atë pa para në vitin 2023.

Ndërkohë, duket se i hapur për t’iu bashkuar Pep Guardiolas në Angli duket të jetë edhe Luka Modric.

Mesfushori kroat ka njohuri për futbollin anglez pasi kishte luajtur në Tottenham.

36 vjeçari po i kalon gjashtë muajt e fundit të kontratës dhe City mund ta marrë atë si lojtar të lirë.

Lajmin e ka bërë të ditur mediumi “SuperDeporte”.

Modricit i është ofruar një kontratë e re njëvjeçare nga Reali.

Por, ai kërkon vetëm marrëveshje dyvjeçare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat