Skuadra e njohur italiane, Catania ka përfunduar në Komisionin e Disiplinës së futbollit për shkak se nuk ka shlyer detyrimin e pagave ndaj lojtarëve.
Një nga futbollistët e klubit kishte dhënë një deklaratë duke thënë se ata nuk janë paguar që nga korriku.
Komisioni i disiplinës ka pranuar akuzën e futbollistëve, duke e dënuar Catanian me heqje dy pikësh dhe detyrimin menmjëherë të pagesave ndaj futbollistëve.
Skuadra e Catanias ndodhet në Serinë C italiane, por më parë ka luajtur në Seria A. Kushtet e vështira financiare bën që klubi të binte në Serinë B në vitin 2014. Ndërsa vetëm një vit më pas, Catania Calcio u rrëzua gjithashtu në Serinë C.
