Manchester United dhe Ronaldo diskutojnë për të ardhmen

Futboll

Manchester United dhe Ronaldo diskutojnë për të ardhmen

Më: 21 janar 2022 Në ora: 16:57
Ronaldo dhe Ragnick

Drejtuesit e “Djajve të Kuq” dhe futbollisti portugez do të takohen për ta vendosur të ardhmen e “CR7”

E ardhmja e Cristiano Ronaldos do të vendoset shumë shpejt.

Në fakt, drejtuesit e klubit kanë planifikuar të takohen me futbollistin portugez në javët në vazhdim.

Për këtë siguron mediumi britanik “Daily Star”.

Shefi ekzekutiv i klubit, Richard Arnold do ta takojë personalisht 36 vjeçarin.

Nëse Man Utd nuk arrin të kualifikohet në Ligën e Kampionëve për sezonin tjetër, gjërat do të vështirësohen.

Kjo pasi pesë herë fituesi i Topit të Artë nuk do të qëndronte në një klub që s’luan në Champions.

Ronaldo e shfaqi pakënaqësinë e tij kur u zëvendësua në mesjavë në fitoren ndaj Brentfordit.

Natyrisht, dëshirë e klubit është që ta vazhdojë bashkëpunimin me ish-futbollistin e Sporting Lisbonës, Real Madridit dhe të Juventusit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat