FSHF u jep fund dilemave, caktohet data e zgjedhjeve për President

Futboll

FSHF u jep fund dilemave, caktohet data e zgjedhjeve për President

Më: 22 janar 2022 Në ora: 15:19
FSHF u jep fund dilemave, caktohet data e zgjedhjeve për President

Federata Shqiptare e Futbollit i ka dhënë fund dyshimeve rreth datës së Asamblesë Zgjedhore të vitit 2022 ku do të zgjidhen strukturat e reja drejtuese të këtij institucioni.

Komiteti Ekzekutiv i FSHF-së ka vendosur që data e Asamblesë Zgjedhore të jetë e mërkura e 2 marsit. Gjatë këtyre javëve do të përcaktohen delegatët e klubeve dhe shoqatave rajonale që do të marrin pjesë në zgjedhjet e këtij institucioni dhe ata më pas do të votojnë për strukturat drejtuese të tij.

Në Asamblenë e këtij viti do të ketë zgjedhjet për president dhe anëtarët e Komitetit Ekzekutiv të FSHF-së, si dhe mund të ketë ndryshime statutore sicc ndodh zakonisht. Kandidatët për president në zgjedhje janë presidenti aktual, Armand Duka i cili kërkon mandatin e 6, si dhe gazetari Dritan Shakohoxha.

NJOFTIMI

Federata Shqiptare e Futbollit bën me dije se Komiteti Ekzekutiv i FSHF-së në mbledhjen e tij të datës 21.01.2022 në bazë të kompetencave që i jep Statuti i FSHF-së, vendosi të thërrasë Asamblenë e Përgjithshme të Zakonshme Zgjedhore, që do të zhvillojë punimet më datë 02.03.2022, ora 10:00 në selinë e FSHF te “Shtëpia e Futbollit” në Tiranë.

Në këtë mbledhje anëtarët e Komitetit të Ekzekutiv të FSHF përcaktuan dhe miratuan edhe rendin e ditës së punimeve të Asamblesë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat