Gjykata e urdhëron t’ia paguajë 16 milionë euro...

Futboll

Gjykata e urdhëron t’ia paguajë 16 milionë euro...

Më: 24 janar 2022 Në ora: 12:52
Gjykata e urdhëron t’ia paguajë 16 milionë euro...

Sulmuesi i Milanit Rafael Leao është urdhëruar nga gjykata t’ia paguajë 16.5 milionë euro ish-klubit të vet, Sporting PC, për shkak të shkëputjes së kontratës në vitin 2018.

Leao e braktisi klubin portugez në fund të sezonit 2017/18 pas një sulmi nga tifozët e Sporting, të cilët ishin të mllefosur me lojtarët e vet për dështimin e kualifikimit në Ligën e Kampionëve.

Njëlloj si shumë ish-bashkëlojtarë, Leao vendosi ta shkëpusë kontratën me marrëveshje dypalëshe pas atij incidenti.

Leao iu bashkua klubit francez Lille si lojtar i lirë më 2018 dhe një vit më vonë kaloi në Milan për 23 milionë euro.

Sportingu ka argumentuar se klubi nuk ishte pajtuar për shkëputjen e kontratës së tij dhe e paditi Leaon.

Gjykata e Arbitrazhit Sportiv e urdhëroi Leaon t’i paguajë Sportingut 16.5 milionë euro në mars 2020 dhe tani Gjykata e Apelit e ka mbajtur në fuqi këtë dënim.

Sporting CP kishte kërkuar kompensim më të lartë, duke kërkuar që t’i paguhej e tërë klauzola e lirimit të Leoas nga kontrata e atëhershme në vlerë 40 milionë euro.

Milani nuk është i përfshirë në këtë rast dhe Leao mund tani të ankohet në Gjykatën Supreme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat