Kroos: Ende besoj në cilësitë e Eden Hazard

Futboll

Kroos: Ende besoj në cilësitë e Eden Hazard

Më: 28 janar 2022 Në ora: 22:42
Toni Kroos.

Cilësitë e një futbollisti nuk mund të humbasin brenda natës, thotë Toni Kroos.

Eden Hazard asnjëherë nuk e ka treguar në Real Madrid atë që e bëri për shumë vite në Angli me Chelsea.

Sido që të jetë, mesfushori gjerman ka ende besim se Hazard do të gjejë shkëlqimin e dikurshëm.

Në një intervistë për TVE, ai tha; “Besoj në Eden Hazardin, nuk humbin cilësitë e një futbollisti brenda natës”.

Hazard nuk është zgjedhja e parë e Carlo Ancelottit, para të cilit në sulm startojnë Vinicius, Rodrygo dhe Asensio.

Sido që të jetë, belgu po lufton që të vërtetojë se çfarë di të bëjë në fushë dhe të ndihmojë Realin për të fituar të tjerë trofe këtë edicion, pas triumfit në Superkupën e Spanjës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat