Hidhet shorti për Kupën e Kosovës, ja kush më kë takohet

Futboll

Hidhet shorti për Kupën e Kosovës, ja kush më kë takohet

Më: 7 shkurt 2022 Në ora: 13:07
Hidhet shorti për Kupën e Kosovës, ja kush më kë takohet

Sot në ambientet e FFK-së është bërë tërheqja e shortit për rrethin e parë të Kupës së Kosovës në konkurrencën e femrave.

Fillimisht përfaqësuesit e klubeve i përshëndeti anëtarja e KE të FFK-së, njëherësh kryetarja e Komisionit të futbollit të femrave, Vjollca Krasniqi.

Ajo i njoftoi klubet për ndihmën që FFK do t’u japë atyre para fillimit të stinorit pranveror si stimulim për organizim më të mirë, por kërkoi angazhim shtesë nga të gjitha klubet për të ngritur kapacitetet organizuese, në mënyrë që të rritet cilësia dhe konkurrenca e ligës dhe ajo të bëhet më atraktive.

Në rrethin e parë të kupës do të marrin pjesë 11 ekipe, derisa ndeshjet do të zhvillohen më 15 e 16 shkurt. Në bazë të tërheqjes së shortit në këtë rreth do të takohen:

Çiftet

Intelektualet – Malisheva
Liria – EPP Com Hajvalia
Presingu – Kosova VR
Dukagjini – Mitrovica
Vizioni – Llapi
Jakova, e lirë

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat