Madrid interesohet për Gnabryn

Futboll

Madrid interesohet për Gnabryn

Më: 31 mars 2022 Në ora: 09:35
Serge Gnabryn.

Real Madridi ka shprehur interesim për Serge Gnabryn.

Futbollisti gjerman ka kontratë me Bayern Munichun deri në vitin 2023 dhe palët nuk kanë arritur ende marrëveshje për vazhdimin eventual të saj.

Futbollisti ofanziv është mik i mirë me David Alaban dhe ish-futbollisti i Bayernit i ka folur shokut të tij për “Los Blancos”,

Lajmin e ka bërë të ditur mediumi gjerman “Bild”.

Mbetet të shihet nëse përfaqësuesi gjerman do t’i bashkohet mbrojtësit austriak në “Santiago Bernabeu”.

Gnabry ka shfaqur formë të lartë me gjigantin bavarez, por palët nuk e kanë gjetur ende gjuhën e përbashkët për vazhdimin e bashkëpunimit.

Nëse nuk e vazhdon kontratën në muajt në vijim, Bayerni mund të vendos ta shesë lojtarin gjatë verës për të mos e humbur pa para në verën e vitit 2023, kur edhe do të jetë lojtar i lirë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat