Me 25 Prill fillon turneu memorial “Njazi Rexhepi” - më i madhi në rajonin e Anamoravës

Futboll

Me 25 Prill fillon turneu memorial “Njazi Rexhepi” - më i madhi në rajonin e Anamoravës

Më: 22 prill 2022 Në ora: 14:10
Dëshmori i lirisë, Njazi Rexhepi

Pas një kohe të gjatë, aktivitetet sportive ju kanë rikthyer normalitetit. Një i tillë pritet të mbahet edhe me rastin e nderimit të heroit kombëtar, Njazi Rexhepi.

Nga data 25 Prill e deri me datë 5 Maj, turneu tashmë tradicional do të mbledhë afër vetës me mijëra shikues nga e gjithë Kosova, ku do ta kenë rastin të shohin ndeshje interesante dhe me shumë rivalitet.

Image
Detaje të turneut


Djali i dëshmorit, Xhani Rexhepi, për Gazetën “Bota sot”, ka thënë se nderimi që po i bëhet veprës së babait të tij, përmes pjesëmarrjes në këtë turne, është mënyra me e mirë për ta kujtuar veprën dhe kontributin e tij për lirinë që ne e gëzojmë sot.

Pa dashur të shpalosë detaje të tjera, Xhani Rexhepi ka përmendur faktin se këtë edicion, shumë ekipe janë paraqitur, mes tjerash edhe nga jashtë Kosova, e që nuk është hera parë sepse sipas tij edhe në edicionet e kaluara, këtë turne e kanë nderuar edhe ekipa nga Maqedonia.

Kur kanë mbetur edhe 48 orë deri në hedhjen e shortit, ai i ka bërë thirrje edhe ekipeve tjera që mos të ngurrojnë edhe të paraqiten në këtë turne sepse gara është shumë e nxehtë dhe ky edicion me shumë gjasë do të jetë më interesanti në histori të mbajtjes së turneut.

Turneu memorial “Njazi Rexhepi”, pas 19 edicioneve të suksesshme, kësaj radhe e organizon për herë të 20-të dhe që nga viti në vit vetëm sa është rritur cilësia dhe organizimi.

Image
Pamje nga finalja e edicionit të kaluar

 

 
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat