Sot është një ditë feste në qytetin e Kukësit

Futboll

Sot është një ditë feste në qytetin e Kukësit

Më: 23 prill 2022 Në ora: 14:52
Sot është një ditë feste në qytetin e Kukësit

Sot është një ditë feste në qytetin e Kukësit.

Stadiumi “Kukës Arena” është gati të hapë dyert, me ekipin verilindor që do të rikthehet pas 3 vitesh në “fortesën” e tyre, tashmë të rikonstruktuar dhe gati për të pritur sfidën me Laçin.

Dueli ndaj bardhezinjve do të fillojë në orën 20:00 dhe do të transmetohet në Supersport 3. Përpara ndeshjes do të ketë një koncert festiv, ndërkohë që shkallët e stadiumit të ri do të jenë të tejmbushura.

Supersport mëson se ka nisur shpërndarja e biletave, me kosto zero. Hyrja do të bëhet me bileta, që klubi i Kukësit ka vendosur t’ua dhurojë falas tifozëve.

Gold AG do të jetë i ftuari special. Këngëtari nga Lugina e Preshevës do të ndezë atmosferën me disa nga këngët e tij më të njohura. Në inaugurimin e stadiumit do të marrin pjesë edhe kryeministri Edi Rama dhe presidenti i FSHF-së Armand Duka.

Drejtuesit e Kukësit nuk e kanë harruar të kaluarën dhe ata që kanë dhënë kontribut për skuadrën, duke vendosur të ftojnë të gjithë ish-trajnerët si Armando Cungu, Ernest Gjoka, Peter Pacult etj.

Ftesë edhe për shumë ish-futbollistë që kanë veshur fanellën e Kukësit, teksa nuk do të mungojnë në inaugurimin e “Kukës Arena” as personalitete të ndryshme të qytetit verilindor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat