Juventusi fiton me vështirësi ndaj Sassuolos

Futboll

Juventusi fiton me vështirësi ndaj Sassuolos

Më: 25 prill 2022 Në ora: 23:11
Foto ilustrim

Pas barazimit me Bolognan në javën e kaluar, skuadra e Juventusit është rikthyer te fitorja në Serie A.

Në ndeshjen e vlefshme për javën e 34-të, skuadra e drejtuar nga Massimiliano Allegri shënoi fitore të vështirë në udhëtim te Sassuolo.

Ndeshja përfundoi me rezultatin 1:2, me “Zonjën e Vjetër” që siguroi pikët e plota pak para fundit të ndeshjes.

Paulo Dybala (45’) dhe Moise Kean (88’) shënuan golat e fitores për mysafirët, teksa Giacomo Raspadori (39’) shënoi për vendasit.

Juventusi pas kësaj fitore ka 66 pikë në pozitën e katërt në tabelë, me vetëm një pikë më pak se Napoli i pozitës së tretë.

Kurse, Sassuolo ndodhet në pozitën e dhjetë me 46 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat