Real Madridi raportohet se është i gatshëm për të lejuar largimin e Ferland Mendyt gjatë afatit kalimtar të verës.
Francezi ka kontratë të vlefshme deri në qershor të vitit 2025, por sipas gazetarit Ramon Alvarez de Mon, klubi spanjoll është i gatshëm të dëgjojë oferta për të.
26-vjeçari në “Santiago Bernabeu” u transferua në vitin 2019 nga Lyoni për 48 milionë euro.
Mbrojtësi i krahut të majtë në tregun e transferimeve vlerësohet me 50 milionë euro, sipas “Transfermarkt”.
Mendy këtë sezon po tregohet lojtar i rëndësishëm për “Los Blancos”. Ai ka bërë 30 paraqitje në të gjitha garat, teksa ka shënuar një gol dhe ka shtuar pesë asistime.
