Mbappe – Real Madrid, bisedimet mes palëve në javën e ardhshme

Futboll

Mbappe – Real Madrid, bisedimet mes palëve në javën e ardhshme

Më: 6 maj 2022 Në ora: 23:23
Mbappe – Real Madrid, bisedimet mes palëve në javën e ardhshme

E ardhmja e Kylian Mbappes është ende e paqartë. Nuk dihet ende nëse ai do të largohet nga Paris Saint-Germaini apo jo.

Sulmuesi francez vazhdon të jetë i lidhur me një kalim te Real Madridi, por ende nuk ka asgjë të konfirmuar.

Së fundi u raportua se Mbappe ka arritur marrëveshje për rinovim të kontratës me PSG-në, por nga palët nuk është konfirmuar asgjë.

“RMC Sport” ka raportuar këtë të premte se përfaqësuesit e lojtarit do të takohen me krerët e klubit të Real Madridit në javën e ardhshme.

Sipas mediumit francez, në këtë takim do të diskutohet për një lëvizje të mundshme të 23-vjeçarit drejt “Santiago Bernabeut”.

Kylian Mbappe do të mbetet lojtar i lirë në verë, pasi kontrata e tij me parisienët skadon më 30 qershor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat