Vllaznia fiton Kupën e Shqipërisë

Futboll

Vllaznia fiton Kupën e Shqipërisë

Më: 24 maj 2022 Në ora: 12:09
Vllaznia fiton Kupën e Shqipërisë për femra

Vllaznia është shpallur fituese e Kupës së Shqipërisë për femra në futboll për edicionin e 13-të të këtij kompeticioni!

Në finalen e Kupës që u zhvillua këtë të hënë në stadiumin “Arena Egnatia” në Rrogozhinë, shkodranet u përballën me ekipin e Tiranës, duke i mundur me rezultatin 7-0.

Golat e kësaj sfide u realizuan nga Doçi (2) Gjini (2), Kodra e Curraj, teksa bardheblutë i dhuruan një gol vajzave kuqeblu, me Kotaren. Vllaznia dominoi në të dyja pjesët e lojës, me katër gola të realizuar në fraksionin e parë dhe tre gola të realizuar në pjesën e dytë.

Në ceremoninë e zhvilluar në fund të kësaj ndeshjeje, Anila Basha, anëtarja e Komitetit Ekzekutiv të Federatës Shqiptare të Futbollit dorëzoi trofeun ekipit të Vllaznisë.

Për ekipin e Vllaznisë, kjo është hera e nëntë radhazi që merr Kupën e këtij kompeticioni kaq të rëndësishëm në futbollin shqiptar, ndërsa për ekipin e Tiranës, që prej dy vitesh konkurron denjësisht edhe në kampionatin e femrave, kjo është hera e parë që merr pjesë në një finale të tillë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat