Shqipëria më e mirë se Maqedonia e Veriut

Futboll

Shqipëria më e mirë se Maqedonia e Veriut

Më: 1 qershor 2022 Në ora: 22:41
Shqipëria më e mirë se Maqedonia e Veriut

Pas humbjeve kundër Rumanisë dhe Bosnje dhe Hercegovinës, kombëtarja shqiptare e volejbollit ka marrë fitoren e parë në Silver European League dhe mbetet në garë për një vend në “Final 4”.

Shqipëria e drejtuar nga Jani Melka triumfoi 3-1 me sete kundër Maqedonisë së Veriut, me të cilën së fundmi kishte bërë edhe disa ndeshje miqësore.

Kuqezinjtë që në fillim treguan se objektivi i vetëm ishte fitorja dhe setin e parë e morën me rezultatin 25-23. Vendasit më pas reaguan e baraspeshuan ndeshjen, pasi e fituan setin e dytë 25-20.

Shqipëria ndryshoi marsh sërish në raundin e tretë dhe me një Anton Qafarena në formë fantastike, Maqedonia e Veriut u dorëzua me rezultatin 17-25 në setin e tretë.

Betejë e fortë më pas, por vendasit u përballën me një Shqipëri mjaft të motivuar për të fituar. Me rezultatin 25-22 kuqezinjtë i mbyllën llogaritë, duke marrë setin dhe gjithë ndeshjen me rezultatin 3-1.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat