Kosova ndeshet me Maqedoninë e Veriut në Prishtinë

Futboll

Kosova ndeshet me Maqedoninë e Veriut në Prishtinë

Më: 25 qershor 2022 Në ora: 13:47
Kosova ndeshet me Maqedoninë e Veriut në Prishtinë

Kombëtarja e Kosovës në konkurrencën e femrave ka pësuar humbje në miqësoren e parë ndaj Maqedonisë së Veriut, me rezultat 3:1, që u zhvillua në Qendrën stërvitore “Petar Millosevski” në Shkup.

Dardanet e nisën mirë ndeshjen dhe arritën të kalojnë në epërsi me golin e shënuar nga Blerta Shala, nga penalltia. Megjithatë, futbollistet e ekipit të Maqedonisë së Veriut arritën të rikthehen shpejtë në lojë dhe të përmbysin rezultatin me golat e realizuara nga Lence Andreevska (19’) dhe Hana Mustafa (26’).

Me shifrat 2:1 u mbyll pjesa e parë, derisa në pjesën e dytë në periudhën kur futbollistet tona bënin përpjekje për të barazuar shifrat, vendaset arritën të shënojnë edhe golin e tretë, të cilin e realizoi Lence Andreevska, kur po zhvillohej minuta e 62-të.

Miqësorja e dytë e këtyre dy kombëtareve zhvillohet më 27 qershor në stadiumin “Fadil Vokrri” në Prishtinë, në orën 19:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat