PSG ia tregon derën Wijnaldumit

Futboll

PSG ia tregon derën Wijnaldumit

Më: 25 qershor 2022 Në ora: 14:18
Georginio Wijnaldum.

Gjiganti francez, Paris Saint-Germain, si duket e ka filluar operacionin “fshesa”, ku spekulohet për largime të shumta nga skuadra këtë verë.

Njëri nga lojtarët e konfirmuar që do të largohet është edhe ylli argjentinas, Angel Di Maria, për të cilin interesim serioz ka shprehur Juventusi.

Ndërkaq, sipas disa raportimeve tjera, tjetër lojtari të cilit i është treguar dera te PSG është edhe Georginio Wijnaldum.

Mesfushorit holandez i është dhënë drita e gjelbër për tu larguar nga klubi, dhe ka afat deri në mbyllje të kësaj merkatoje për të gjetur një klub të ri.

Një vit që prej kalimit nga Liverpooli te Paris Saint-Germain, Wijnaldum arriti të bëjë 38 paraqitje në të gjitha garat për gjigantin francez, duke regjistruar tre gola dhe tre asistime mbi emrin e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat