Lista e zezë ku futbollistët nuk duhet të shkojnë!

Futboll

Lista e zezë ku futbollistët nuk duhet të shkojnë!

Më: 7 korrik 2022 Në ora: 14:31
Lista e zezë ku futbollistët nuk duhet të shkojnë!

Një listë e zezë me kuptimin e plotë të fjalës. FIFPro , shoqata ndërkombëtare e futbollistëve, ka publikuar nëpërmjet kanaleve të saj një listë të vendeve në të cilën lojtarët nuk është e këshilluar të transferohen, për shkak të shkeljeve sistematike dhe shumë të përhapura të kontratave. Bëhet fjalë për Algjerinë, Kinën, kategorinë e dytë të Greqisë, Libinë, Rumaninë, Arabinë Saudite dhe Turqinë. Motivet janë të ndryshme.

Për sa i përket Rumanisë dhe Turqisë, sindikata ka bërë të ditur se mungesa e korrektësisë në shlyerjen e pagave është një problem i vjetër dhe ende aktual. Përveç kësaj, në Rumani, një numër i konsiderueshëm klubesh janë të përfshirë në procedura ligjore pa fund, çka ka pasoja të rënda për sportistët, që nuk ja dalin të fitojnë të drejtat e tyre për t’u dëmshpërblyer.

Ndërkohë, në vitet e fundit Greqia ka rezultuar vendi me numrin më të madh që kërkojnë ndihmën e shoqatës profesioniste të futbollistëve për shlyerjen e munguar të pagave, fenomen ky që është shumë i përhapur në kategorinë e dytë.

Çështja e pagave ka arritur një nivel shqetësues edhe në Algjeri, Kinë dhe Arabinë Saudite. Ndryshon diskutimi për Libinë ku është gjithnjë e më i lartë numri i lojtarëve të huaj që mbeten të bllokuar në këtë vend, pasi klubet ku janë të impenjuar refuzojnë që t’u japin dokumentin e nevojshëm për transferimet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat