Milani garë me United për lojtarin e Chelsea

Futboll

Milani garë me United për lojtarin e Chelsea

Më: 10 gusht 2022 Në ora: 19:48
Milani garë me United për lojtarin e Chelsea

Drejtuesit e Milanit po studiojnë opsione të ndryshme për mesfushën, teksa janë fokusuar edhe te rinovimet. Objektivi është zgjatja e bashkëpunimeve me Fikayo Tomori dhe Rade Krunic.

Mbrojtësi anglez i ka bërë të gjithë për vete me paraqitjet e tij fantastike në qendër të prapavijës. Takimi mes agjentit të 24-vjeçarit dhe drejtuesve të kampionëve të Italisë, ka zgjatur rreth 3 orë!

Tomori ndihet i lumtur te Milani dhe dëshira e tij është të rinovojë. Të njëjtën gjë shpresojnë dhe te kuqezinjtë, teksa në Itali theksojnë se akordi final, që pritet të sjellë edhe rritjen e pagës sezonale të anglezit, është afër.

Milani po punon për të rinovuar edhe me Krunic, i cili ndodhet në formë të mirë sportive dhe pritet të japë kontributin e tij në sezonin e ardhshëm.

Ndërkohë, klubi italian nuk ka hequr dorë nga Hakim Ziyech, i cili ka zgjedhur të largohet nga Chelsea, por në garë për shërbimet e sulmuesit të djathtë është përfshirë edhe Manchester United.

Nga ana tjetër, dy emra të rinj kanë dalë në skenë si përforcime të mundshme të Milanit. Lesley Ugochukwu, 18-vjeçari i Rennes, i cili luan si shkatërrues dhe qendërmesfushor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat