Allegri para Milan - Juventus

Futboll

Allegri para Milan - Juventus

Më: 7 tetor 2022 Në ora: 13:39
Allegri para Milan - Juventus

Dy fitoret kundër Bologna dhe Maccabi Haifa rikthejnë buzëqeshjen në fytyrat e lojtarëve të Juventusit. Ata i pret një ndeshje asnjëherë banale, kundër kampionit Italian, Milanit, e planifikuar për të shtunën në orën 18:00 në “San Siro”.

Duke folur në konferencën për shtyp, Massimiliano Allegri bëri një prezantim të sfidës Milan-Juventus, e vlefshme për javën e 9-të të Serie A: “Ne po luajmë kundër kampionëve në fuqi dhe do të jetë më e vështirë se zakonisht, sepse kuqezinjtë vijnë nga një humbje e keqe në Londër. Nuk kemi fituar ende jashtë shtëpisë? Ndoshta nesër do të jetë hera e parë. Tani për tani duhet vetëm të mendojmë për të marrë rezultate të mira”.

Dy rikthime të rëndësishme për tabelën taktike të shahut të Allegrit: Bonucci dhe mbi të gjitha Milik do të takohen sërish në “San Siro”: “Bonucci do të kthehet. Milik është shumë më i mirë dhe duhet të jetë i disponueshëm për të luajtur”.

Dopieta ndaj Maccabi Haifa e riktheu në modë emrin e Rabiot: “Të flasësh për tregun e transferimeve nuk ka kuptim tani, është diçka për të cilën mendon klubi. Rabiot po bën mirë si gjithë të tjerët, gjëja e rëndësishme është të rikuperohen lojtarët që aktualisht janë të padisponueshëm”.

Nuk përjashtohet apriori mundësia që në të ardhmen ta shohim Kostic në rolin e mbrojtësit të krahut: “Unë e shoh të vështirë. Ai duhet ta provojë dhe të shohë nëse mund ta bëjë këtë. Asnjëherë nuk i dihet të ardhmes”.

Juventusi do të duhet të jetë i mirë në frenimin e armës së rifillimit kaq të dashur për Milanin: “Ne do të duhet të jemi të mirë në mos lejimin e rifillimit (kundërsulmit), Milani ka edhe lojtarë të tjerë të mirë përveç Leaos. Çfarë i kam zili Piolit? Katër pikët më shumë se ne. Mundet vetëm ta përgëzoj, numrat janë në anën e tij”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat