​Enrique: Futbolli është shfaqje, lë të ofrojmë spektakël për tifozët

Futboll

​Enrique: Futbolli është shfaqje, lë të ofrojmë spektakël për tifozët

Më: 1 dhjetor 2022 Në ora: 12:07
Luis Enrique

Trajneri i Kombëtares së Spanjës, Luis Enrique ka këshilluar të gjithë trajnerët e skuadrave pjesëmarrëse në Kampionatin Botëror që përtej rezultatit, të përkujdesen edhe për argëtimin e tifozëve.

Ai ka thënë se tifozët që janë të pranishëm në stadium dhe ata që i shikojnë ndeshjet nga televizioni duan që të shikojnë spektakël në fushë, sepse në të kundërtën, tribunat mund të mbesin të zbrazëta.

“Gjëja e parë që duhet të mësojmë në klasat e trajnerëve është se futbolli është një shfaqje. Janë 50,000 njerëz që të shikojnë në stadium dhe miliona në TV. Është si një shfaqje. Nëse është e mërzitshme, nuk do të mbetet njeri në teatër.".

Spanja do të ballafaqohet sonte me Japoninë dhe do të kërkojë kualifikimin në mesin e 16 skuadrave më të mira të Kupës së Botës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat