​Duka: I tronditur me ndarjet nga jeta të Erion Kajtazit

Futboll

​Duka: I tronditur me ndarjet nga jeta të Erion Kajtazit

Më: 4 dhjetor 2022 Në ora: 13:50
Erion Kajtazi

Vdekja e hershme e futbollistit Erion Kajtazi ka tronditur të gjithë futbolldashësit dhe jo vetëm në Kosovë, por edhe më gjerë.

17 vjeçari humbi jetën derisa ishte duke luajtur futboll kundër ekipit A&N në Prizren pas një arresti kardiak.

Për vdekjen e tij është shprehur i tronditur edhe Presidenti mi Federatës Shqip[tare të Futbollit, Armand Duka.

Ai i ka shprehur ngushëllime familjes së Kajtazit në emër edhe të komunitetit të futbollit shqiptar.

“Thellësisht i tronditur nga lajmi i ndarjes nga jeta të futbollistit të FC Trepça ‘89 dhe i ekipeve kombëtare të Kosovës, Erion Kajtazi! 17-vjeçari pësoi një atak kardiak në fushë gjatë një ndeshjeje kampionati dhe pavarësisht përpjekjes së mjekëve nuk mundi të mbijetojë. Në emër edhe të komuniteti të futbollit shqiptar, i shpreh ngushëllimet më të sinqerta familjes Kajtazi, FC Trepça ‘89 dhe Federatës së Futbollit të Kosovës për ndarjen e parakohshme nga jeta të Erionit.”, ka shkruar Duka në “Facebook”.

Ai më tutje ka kërkuar që të rritet sa më shumë kujdesi shëndetësor për futbollistet dhe të bëhen kontrolle të vazhdueshme.

“Njëkohësisht duhet të ndërgjegjësohemi gjithmonë e më shumë për kujdesin shëndetësor të futbollistëve dhe rëndësinë që kanë kontrollet e vazhdueshme në mënyrë periodike për të shmangur dhe parandaluar tragjedi të tilla.”, ka thënë Duka. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat