Vashat e Vllaznisë synojnë ta befasojnë PSG-në, ja formacionet zyrtare

Futboll

Vashat e Vllaznisë synojnë ta befasojnë PSG-në, ja formacionet zyrtare

Më: 8 dhjetor 2022 Në ora: 17:58
Foto ilustrim

Sonte me fillim nga ora 18:45 stadiumi “Loro-Boriçi” do të jetë nikoqir i përballjes mes Vllaznisë e Paris Saint-Germain, ndeshje kjo e vlefshme për xhiron e katërt të fazës së grupeve të Ligës së Kampionëve në konkurrencën e femrave.

Në xhiron e fundit të zhvilluar, vashat e Vllaznisë u përballen pikërisht me ato të PSG-së, ku edhe pësuan humbje të thellë me shifrat 5:0.

Pas tre ndeshjeve të zhvilluara në Grupin A, PSG zë vendin e dytë në kuotën e katër pikëve, aq sa ka edhe Real Madridi në vendin e tretë.

Në anën tjetër, Vllaznia renditet në vendin e fundit në grup, ku nuk ka mundur të arkëtojë as edhe një pikë të vetme, duke regjistruar tre humbje kundër vashave të Chelseat, PSG-së dhe Real Madridit.

Tanimë formacionet zyrtare të dy skuadrave janë publikuar, dhe ato i gjeni më poshtë.

Vllaznia (femrat) (4-4-2): Williams-Mosier; Gjini, Maliqi, Gjergji, Popovic; Cavanaugh, Franja, Berisha, Ramadani; Doci, Shala

Paris Saint-Germain (femrat) (4-3-3): Picaud; Mengwen, Cascarino, De Almeida, Karchaoul; Fazer, Bachmann, Yang; Diani, Martens, Groenen

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat