Celina drejt rikthimit në Angli

Futboll

Celina drejt rikthimit në Angli

Më: 25 janar 2023 Në ora: 13:42
Celina drejt rikthimit në Angli

Mesfushori i Kosovës, Bersant Celina thuhet se ka nënshkruar tashmë me klubin anglez nga Championship, Stoke Cityn.

Celina u huazua në afatin kalimtar të verës nga Dijoni te Kasimpasa në Superligën e Turqisë.

Megjithatë, edhe pse ka zhvilluar 18 ndeshje duke shënuar edhe një gol dhe një asistim, Celina nuk po arrin të gjej rehati.

Ylli i Dardanëve pritet të ndryshoj përsëri destinacion dhe të rikthehet në Angli.

Sipas gazetarit të The Telegraph, John Percy, ish-anësori i Manchester Cityt dhe Swansea Cityt, Celina ka nënshkruar si huazim nga Dijon te Stoke City.

Reprezentuesi i Kosovës do të kryejë formalitetet e lëvizjes së tij gjatë ditës së sotme dhe më vonë pritet të vijë edhe zyrtarizimi.

Huazimi i Celinës në klubin turk Kasimpasa do të ndërpritet menjëherë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat