Sonte me fillim nga ora 21:00 stadiumi “Old Trafford” do të jetë nikoqir i përballjes mes Manchester United e Leeds United, ndeshje e mbetur kjo nga xhiro e tetë e Premier Ligës angleze.
United do të synojë me çdo kusht fitoren sot ndaj skuadrës së Leeds e cila momentalisht është pa trajner, pasi që e shkarkoi Jesse Marsch pas humbjes 1:0 ndaj Nottingham në ndeshjen e fundit.
Në anën tjetër, United arkëtoi pikët e plota kur në ndeshjen e fundit e mposhti Crystal Palace me rezultat të ngushtë 2:1.
Momentalisht, “Djajtë e Kuq” renditen në vendin e tretë në tabelë në kuotën e 42 pikëve, krahas Leeds që zë vendin e 17 me vetëm 18 pikë të arkëtuara.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për United nuk do të paraqiten Antony, Casemiro, Eriksen, Greenwood, Martial, van de Beek dhe McTominay, kurse te Leeds mungojnë Dallas, Forshaw, Gray, Rodrigo dhe Perkins.
Tanimë të dy trajnerët kanë vendosur se me kë do ta fillojnë ndeshjen, dhe formacionet zyrtare i gjeni më poshtë.
Manchester United (4-2-3-1): De Gea; Shaw, Martinez, Varane, Dalot; Sabitzer, Fred; Rashford, Fernandes, Garnacho; Weghorst
Leeds United (4-2-3-1): Meslier; Ayling, Koch, Wober, Strujik; Adams, McKennie; Sinisterra, Harrison, Gnonto; Bamford
