Futbollisti Granit Xhaka pritet të diplomohet si trajner para Kampionatit Evropian.
Me miqësoren kundër Estonisë (4:0), kapiteni i kombëtares së Zvicrës, Granit Xhaka ka luajtur tashmë 59 ndeshje gjatë këtij sezoni.
Ky njeri thjesht nuk ngopet së luajturi!
“Në fitoren 4:0 në Luzern, Xhaka ishte në fushë për 74 minuta. Me përjashtim të treshes mbrojtëse dhe portierit Mvogo, vetëm Xherdan Shaqiri është më gjatë në fushë.
“Ne morëm shumë nga kjo lojë. Ishim shumë të duruar dhe u përpoqëm të luanim thjesht”, thuhet në përmbledhjen e Xhakës.
Nuk ka asnjë shenjë lodhjeje nga lojtari rekord kombëtar. Madje, ylli i Leverkusenit sakrifikoi disa ditë pushime para Kampionatit Evropian.
Ai shfrytëzoi ditët e pushimit para se të bashkohej me kombëtaren për një udhëtim të shkurtër drejt Anglisë.
Por jo për festë, por për të vazhduar punën për diplomën e trajnerit. “Të dielën e kaluar festuam me tifozët tanë në Leverkusen”, thotë Xhaka.
“Të hënën u nisëm për në Birmingham në orën 6 të mëngjesit”.
Ish lojtari shumëvjeçar i Arsenalit tani ka përfunduar licencën e tij të UEFA A.
Pas udhëtimit të tij në ishull, Xhaka u zhvendos në kampin e kombëtares të premten e kaluar. Kapiteni nuk do të humbasë miqësoren e fundit para Kampionatit Evropian kundër Austrisë të shtunën në St. Gallen”, shkruan mes të tjera mediumi zviceran “Blick’.
Granit Xhaka ka një vit të madh, është kampion dhe fitues i Kupës së Gjermanisë por nuk ia dolën në finalen e Europa League.
