Zhegrova nuk do të transferohet në Itali!
Sulmuesi argjentinas Paulo Dybala dëshiron të vazhdojë rrugëtimin e tij me fanellën “verdhekuqe” në Serie A, ndonëse për rolin e titullarit do të duhet të luftojë, pasi trajneri Daniele De Rossi afroi këtë verë Soule për atë pozicion.
Mediet italiane raportojnë se Dybala refuzoi ofertën nga Arabia Saudite, më saktë nga klubi i Al-Qadsiah, që i ofroi kontratë 2-vjeçare, me një pagë prej rreth 20 milionë eurosh në sezon, për të qenë pjesë e Roma-s.
Kjo do të thotë se Edon Zhegrova nuk do të transferohet te Roma, pasi italianët e kishin bllokuar yllin kosovar dhe do ta transferonin në rast të largimit të Paulo Dybalas.
