E ardhmja e Fedrico Chiesa-s mbetet në dyshim. Lojtari duket se nuk bën pjesë në planet e Thiago Motta-s dhe drejtuesit e bardhezinjve duhet të gjejnë një zgjidhje.
Zgjidhje që mund të vijë nga Premier League.
Chelsea po has mjaft probleme në sulm, mes dështimit të operacionit Omorodion dhe gjithashtu vështirësive në rikthimin e Joao Felix.
Atletico dëshiron ta shesë lojtarin në mënyrë të përhershme, por shifrat në këtë rast do të ishin shumë të ndryshme nga huazimi i vitit të kaluar.
Kjo është arsyeja pse në Cobham po mendojnë për këtë, duke reflektuar edhe se kush është në skuadër dhe nuk ka dhënë kontributin e dëshiruar. Ashtu si Raheem Sterling, i cili humbi kombëtaren që nga transferimi i tij në Londër.
Nisur nga dyshimet për Joao Felix, sipas asaj që raportohet nga ‘footballfancast.com’, Chelsea ka rindezur interesin për Chiesa-n, i cili nuk është pjesë e planeve të Motta-s.
Analiza e shifrave i bën londinezët të mendojnë se kalimi nga Sterling te italiani është një përmirësim dhe në të njëjtën kohë ish-lojtari anglez i Cityt dhe Liverpool-it përfundoi në listën e lojtarëve të ndjekur nga Juventusi.
Një operacion i mundshëm që do të shihte një shkëmbim midis dy lojtarëve plus një shumë parash në favor të anglezëve: Sterling u pagua mbi 50 milionë vetëm dy vjet më parë.
