Baseli ka pësuar humbjen e tretë brenda vetëm një jave. Përveç eliminimit nga Kupa e Zvicrës, ka përfunduar edhe aventura e tyre në Europa League.
Situata është rënduar edhe më shumë pas humbjes në përballjen direkte, e cila ka bërë që diferenca me liderin e kampionatit, Thunin, të rritet në 13 pikë.
Si rrjedhojë, atmosfera te Baseli është mjaft e tensionuar.
Pas përfundimit të ndeshjes në St. Gallen, kapiteni Xherdan Shaqiri dhe trajneri Stephan Lichtsteiner iu afruan sektorit të tifozëve për të diskutuar eliminimin (2:1 nga St. Galleni) nga Kupa e Zvicrës me disa prej tifozëve të frustruar të FC Baselit.
Duke folur për SRF pas ndeshjes, kapiteni i Baselit, Xherdan Shaqiri, pranoi zhgënjimin dhe mangësitë e skuadrës:
“Sigurisht që jemi shumë të zhgënjyer. St. Galleni e meritoi fitoren.
Ne nuk ofruam mjaftueshëm në fazën sulmuese.
Ata shënuan golin vendimtar dhe ne duhet ta pranojmë këtë. Nuk duhet të dorëzohemi plotësisht, sepse ende ka diçka për t’u luftuar në kampionat”.
