Meksika spektakolare në hapje të Botërorit, gjunjëzon Afrikën e Jugut në një ndeshje me tre kartona të kuq

Meksika e nisi në mënyrë spektakolare aventurën në Grupin A të Kampionatit Botëror, duke gjunjëzuar me rezultat 2:0 Afrikën e Jugut në një atmosferë të bukur para rreth 85 mijë shikuesve në Mexico City dhe me tre kartona të kuq.

Afrika e Jugut u gjend nën presion të madh që nga minuta e 49-të, kur mbeti me një lojtar më pak në fushë. Yaya Sithole u ndëshkua direkt me karton të kuq pas një ndërhyrjeje nga prapa si lojtari i fundit në mbrojtje.

Meksika – Afrika e Jugut 2:0

Stadiumi "Banorte", Mexico City.
Shikues: 85.000.
Gjyqtar: W. Sampaio (Brazili).
Shënues: Quinones (9'), Jimenez  (67').
Kartona të verdhë: Gutierrez - Mokoena, Sibisi.
Kartona të kuq: Montes - Sithole, Zwane. 
Meksika: Rangel, Montes, Vasquez, Reyes, Gallardo, Lira (Alvarez 76'), Fidalgo (Mora 66'), Gutierrez (Chavez 66'), Jimenez (Gonzalez 76'), Quinones (Vega 79'), Alvarado
Afrika e Jugut: Williams, Modiba (Appollis 77'), Mbokazi, Sibisi, Mudau, Okon, Mokoena, Sithole, Adams (Zwane 61'), Foster (Mbatha 57'), Rayners (Makgopa 77').

Meksika rrezikoi që në minutën e 5-të, kur Raul Jimenez goditi nga rreth 16-17 metra, por portieri Ronwen Williams bëri një pritje brilante.

Epërsia erdhi në minutën e 9-të. Julián Quiñones gjuajti nga rreth 14-15 metra dhe topi përfundoi në rrjetë mes këmbëve të portierit kundërshtar për rezultatin 1:0.

Në minutën e 42-të, shtylla e majtë shpëtoi Afrikën e Jugut pas një tjetër goditjeje të bukur të Quiñones.

Vetëm katër minuta (49’) pas fillimit të pjesës së dytë, Sithole u përjashtua me karton të kuq, duke e vështirësuar edhe më shumë misionin e afrikanëve.

Në minutën e 56-të, Aubrey Modiba provoi nga distanca për Afrikën e Jugut, por portieri Raul Rangel reagoi mirë.

Goli i qetësisë për meksikanët erdhi në minutën e 67-të, kur Raul Jimenez realizoi me kokë nga afërsia pas një asistimi të bukur nga Roberto Alvarado për rezultatin përfundimtar 2:0.

Në minutën e 84-të Themba Zwane (Afrika e Jugut) goditi kundërshtarin e tij dhe gjyqtari i jep karton të kuq pasi shikoi VAR-in, Afrika mbeti pa lojtarë në fushë.

Në minutën e 90+2 gjyqtari tregon karton të kuq! Cesar Montes (Meksikë) përjashtohet nga loja direkt me karton të kuq.

Meksika kështu arkëtoi tri pikë të mëdha në hapje të grupit, ndërsa Afrika e Jugut u tregua e pafuqishme përballë një rivali shumë të fortë.

Më 18 qershor, Afrika e Jugut përballet me Çekinë (18.00, ndërsa më 19 qershor, Meksika luan ndaj Afrikës së Jugut (24.00).

(E plotësuar) –  90+2 Gjyqtari tregon karton të kuq! Cesar Montes (Meksikë) duhet të largohet nga fusha.

90' Do të luhen 7 minuta shtesë.

87' Lojtarët e Meksikës mbajnë topin dhe po shkëmbejnë një kombinim pasimesh. Ata po presin që të krijohen boshllëqe në mbrojtje.

84’ Themba Zwane (Afrika e Jugut) godet kundërshtarin e tij dhe gjyqtari i jep karton të kuq, Afrika mbeti pa lojtarë në fushë.

Meksika – Afrika e Jugut 2:0

Stadiumi "Banorte", Mexico City.
Shikues: 85.000.
Gjyqtar: W. Sampaio (Brazili).
Shënues: Quinones (9'), Jimenez  (67').
Kartona të verdhë: Montes  - Gutierrez - Mokoena, Sibisi.
Kartona të kuq: Sithole, Zwane. 
Meksika: Rangel, Montes, Vasquez, Reyes, Gallardo, Lira (Alvarez 76'), Fidalgo (Mora 66'), Gutierrez (Chavez 66'), Jimenez (Gonzalez 76'), Quinones (Vega 79'), Alvarado
Afrika e Jugut: Williams, Modiba (Appollis 77'), Mbokazi, Sibisi, Mudau, Okon, Mokoena, Sithole, Adams (Zwane 61'), Foster (Mbatha 57'), Rayners (Makgopa 77').

82' Prit! Gjyqtari jep sinjalin e VAR-it dhe do ta shqyrtojë incidentin nga më parë. Ky mund të jetë një karton i kuq për Themba Zwane (Afrika e Jugut)! Le të shohim se çfarë vendos.

\79' Javier Aguirre vendos të bëjë një zëvendësim. Julian Quinones do të zëvendësohet nga Alexis Vega (Meksikë).

77' Gjyqtari ndalon lojën në mënyrë që të bëhet një zëvendësim dhe Oswin Appollis (Afrika e Jugut) hyn në fushë në vend të Aubrey Modiba.

74' Wilton Sampaio i jep karton të verdhë Nkosinathi Sibisi (Afrika e Jugut) për një faull.

69' Është koha për pushimin e qetësimit që lojtarët të marrin disa lëngje. Jashtë bën vapë!

67' Raul Jimenez realizon me kokë, 2:0.

66' Një tjetër përpjekje për ta dërguar topin përtej mbrojtjes nga Brian Gutierrez (Meksikë) pengohet dhe largohet në vend të sigurt.

60' 60' Një krosim i bërë në zonën e penalltisë nga Julian Quinones (Meksikë), por nuk përbën kërcënim. Topi del nga fusha dhe është një goditje nga porta për Afrikën e Jugut.

58' Brian Gutierrez (Meksikë) ekzekuton goditjen e dënimit, por ajo largohet nga mbrojtësi i parë.

56’ Aubrey Modiba (Afrika e Jugut) gjuan nga distanca drejt mesit të portës, por Raul Rangel është vigjilent dhe bën një pritje të mirë.

64' Erik Lira (Meksikë) përpiqet të gjejë një nga shokët e tij të ekipit, por e tepron me pasimet dhe shansi humbet.

53' Lojë e mirë e Meksikës edhe në pjesën e dytë.

50' Yaya Sithole (Afrika e Jugut) përplaset me kundërshtarin e tij dhe gjyqtari i jep karton të kuq! Pavarësisht protestës, ai e di që ndeshja ka mbaruar për të.

48' Julian Quinones (Meksikë) e përplas topin drejt mesit të portës, por nuk arrin ta surprizojë Ronwen Williamsin.46' Brian Gutierrez (Meksikë) gjuan me nxitim nga distanca dhe më pas e dërgon lart, mbi traversë.

46' Alvaro Fidalgo (Meksikë) dërgon një pasim të bukur në zonë, por njëri nga mbrojtësit shmang rrezikun.

46' Fillon pjesa e dytë.

Përfundon pjesa e parë, Meksika - Afrika e Jugut 1:0.

4 minuta shtesë.

45' Një goditje nga këndi e ekzekutuar shpejt nga Afrika e Jugut.

42' Shtylla e majtë e shpëton Afrikën e Jugut. Julian Quinones goditi bukur.

42’ Julian Quinones (Meksikë) merr një pasim të mirë brenda zonës dhe përkulet në një përpjekje për të arritur portën, por topi godet pjesën e jashtme të shtyllës së majtë dhe del jashtë loje.

40' Meksika e mban topin dhe po shkëmben disa pasime të gjata.

38' Lojë e kontrolluar dhe pasime të shkëlqyera në mesfushë nga Meksika.

35' Lojtarët e Afrikës së Jugut po shkëmbejnë disa pasime të shkurtra për të hapur mbrojtjen e kundërshtarëve.

31' Afrika e Jugut kërkon golin e barazimit.

30' Israel Reyes (Meksikë) harkon në zonë, por është shumë afër Ronwen Williams, i cili e pengon topin.

28' Meksika në epërsi, po tregon më shumë.

25' Arbitri fryn bilbilin dhe lojtarët do të freskohen.

21' Khuliso Mudau (Afrika e Jugut) dërgon një top premtues, por mbrojtja është vigjilente dhe e pengon pasimin.

20' Cesar Montes (Meksikë) bën një ndërhyrje dhe Wilton Sampaio fishkëllen për faull.

17’ Duhet të jetë një karton i verdhë. Dhe është. Teboho Mokoena (Afrika e Jugut) merr ndëshkim pas një ndërhyrjeje të tmerrshme.a

14’ Raul Jimenez (Meksikë) fiton topin nga këndi dhe godet me kokë në portë nga afër pikës së penalltisë, por është një gjuajtje e lehtë dhe shkon shumë përtej shtyllës së majtë.

12' Meksika më e mirë.

9’ Julian Quinones (Meksikë) nga rreth 14-15 metra goditi drejt në portë dhe topi futet në mes këmbëve të portierit, 1:0.

8' Lojë e mirë.

5’ Raul Jimenez (Meksikë) gati shënojë nga rreth 16-17 metra, por goditja e tij shkoi në pjesën e poshtme të djathtën megjithatë portieri Ronwen Williams bëri pritje brilante! 

4’ Lojë mesatare, pa ndonjë rast.

1' Fillon ndeshja mes Meksikës dhe Afrikës së Jugut.

Gjithçka gati për sfidën e parë të Grupit A të Kampionatit Botëror në futboll.

Meksika apo Afrika e Jugut do të startojë më fitore në hapje të garës më të madhe në botë.

Ceremoni madhështore në Meksikë!

Emocionet e Botërorit kanë filluar. Meksika është një nga vendet organizatore, ndërsa pikërisht aty do të luhet ndeshja e parë e këtij edicioni.

Meksika përballet me Afrikën e Jugut. Ceremonia hapëse ndërkohë ishte madhështore.

Ndeshja nis në orën 21:00. Sfida e 11 qershorit i hap rrugë Botërorit të parë që zhvillohet me 48 skuadra.

Magjia e Botërorit rikthehet sot me ndeshjen hapëse mes Meksikës dhe Afrikës së Jugut, e programuar për t’u luajtur në orën 21:00 në “Estadio Banorte”.

Në orën lokale të Meksikës, sfida nis në 13:00.

Interesi për takimin ka qenë i jashtëzakonshëm.

Që në orën 07:30 të mëngjesit, tifozë të shumtë janë grumbulluar pranë stadiumit, ndërsa organizatorët kanë vendosur të hapin portat herët për të përballuar fluksin e madh.

Spektakli i parë i Botërorit vjen nga Meksika, me vendasit që konsiderohen favoritë përballë Afrikës së Jugut.

Ky është edhe edicioni i parë i Kupës së Botës me 48 kombëtare pjesëmarrëse, duke sjellë më shumë ndeshje dhe një format krejtësisht të ri.

Magjia e Botërorit nis sot, pikërisht më 11 qershor. Meksika dhe Afrika e Jugut vendosen përballë prej orës 21:00.

Ndeshja do të luhet “Estadio Banorte” të Meksikës.

Për herë të parë një Botëror me 48 përfaqësuese, për më tepër në tre vende të ndryshme.

Meksika është e favorizuar për fitoren në shtëpi. Afrika kërkon të surprizojë.

Trajnerët kanë vendosur për formacionet zyrtare. Agire i Meksikës dhe Bros konfirmuan titullarët.

Ka filluar ceremonia hapëse e Kupës së Botës 2026, edicioni i 23-të. Pas spektaklit, në fushë do të zbresin vendasit e Meksikës të cilët do të përballen me Arabinë Saudite.

Meksikanët e drejtuar nga Javier Aguirre e nisin me këtë formacion zyrtar: Raúl Rangel, Israel Reyes, César Montes, Johan Vásquez, Jesús Gallardo, Erik Lira, Brian Gutiérrez, Álvaro Fidalgo, Roberto Alvarado, Raúl Jiménez, Julián Quiñones

Arabia Saudite e drejtuar nga Hugo Broos, e nis me këtë formacion: Williams, Mbokazi, Sibsidi, Okon, Mokoena, Sithole, Mudau, Modiba, Mokoena, Rayners, Foster

Ndeshja hapëse do të luhet në stadiumin “Estadio Azteca” dhe do të jenë të pranishëm mbi 80 mijë tifozë. Meksika dhe Arabia Saudite bëjnë pjesë në grupin A, bashkë me Rep. Ceke dhe Korenë e Jugut.

Kupa e Botës e vitit 2026 nis sonte, me fillim nga ora 21:00, me kohën tonë lokale.

Mexico City do të jetë nikoqiri i ndeshjes së parë të Botërorit.

Tashmë janë publikuar edhe formacionet zyrtare të ndeshjes së parë të Kupës së Botës.

Formacioni i Meksikës (4-1-2-3)
Rangel, Montes, Vasquez, Reyes, Gallardo, Lira, Fidalgo, Gutierrez, Jimenez, Quinones, Alvarado

Formacioni i Afrikës së Jugut (5-3-2) 
Williams, Modiba, Mbokazi, Sibisi, Mudau, Okon, Mokoena, Sithole, Adams, Foster, Rayners.

Pritjes i ka ardhur fundi. Kupa e Botës 2026 nis zyrtarisht nga stadiumi “Azteca” në Mexico City.

Momenti kulmor i spektaklit para ndeshjes iu besua superyllit kolumbian Shakira dhe artistit Burna Boy, të cilët interpretuan “Dai Dai”, këngën zyrtare të Botërorit 2026.

Shfaqja artistike para ndeshjes zgjati rreth 30 minuta. Shfaqja hapëse në Meksikë ishte e para nga 3 ceremonitë e planifikuara në vendet organizatore.

Aktivitetet do të vijojnë në Kanada dhe Shtetet e Bashkuara, të lidhura nga një koncept i përbashkët artistik që pasqyron kulturën e secilit vend mikpritës.