Skuadra e futbollit Barcelona, kampioni në fuqi i Spanjës, do të ketë një emër të ri në fanellën e saj duke nisur nga sezoni 2017-2018, me Rakuten që u bë sponsori i ri i skuadrës katalunase në bazë të një marrëveshje prej katër vitesh por që synohet të zgjatë më shumë, dhe që në këtë hark kohor do ti japë Barcelonës 220 milionë euro. E themeluar në vitin 1997 Rakuten është një ndër kompanitë më të mëdha në Japoni, ka filluar shtrirjen e saj jashtë vendit niponik në vitin 2005 strategji që synon ta zgjerojë në mbarë botën përmes akordit me një prej klubeve më të mëdha të futbollit në planet.