Futbollisti i talentuar i kombëtares së Kosovës, Milot Rashica, me Vitesse-n, u kthyen me tri pikë të rëndësishme. Vitesse shënoi fitore me rezultat 1:0 ndaj Spartës nga Roterdam, në ndeshjen e javës së 16-të të elitës së futbollit holandez. Rashica u paraqit deri në minutën e 69-të, duke treguar formë të mirë, ndërsa van Wolfswinkel shënoi në minutën e 83-të dhe për fitoren e madhe të skuadrës së tij. Vitesse është në vend të gjashtë me 23 pikë, kurse Sparta në pozitën e 12-të me 17 pikë.