Operacioni i ligamenteve të gjurit për shkak të lëndimit të rëndë në takimin Estoni-Kroaci, si pasojë e të cilit Marko Pjaca do të jetë jashtë terrenit gjashtë deri në tetë muaj, do të bëjë që FIFA t’i paguajë futbollistit kroat rreth një milion euro dhe jo klubi i tij, Juventus.
Kjo do të ndodhë për shkak të rregullave të reja, sipas të cilave në rastet e lëndimeve të lojtarëve në ndeshje ose stërvitje të reprezentacionit dhe për shkak të të cilave nuk do të luajnë të paktën 4 javë dhe më së shumti një vit, shpenzimet për këtë kohë do t’i bartë organizatori nën ombrellën e të cilit futbollistët janë lënduar, e në këtë rast kjo është FIFA.
Nëse lojtari për shkak të lëndimeve duhet të pushojë një kohë më të gjatë, FIFA nga programi për mbrojtjen e lojtarëve mbulon pagesën e lojtarit të lënduar në vlerë deri në 20.548 euro në ditë, natyrisht për kohën derisa gjendet jashtë terrenit.
Duke pasur parasysh se Pjaca në Juventus fiton në vit 1.8 milion euro, ndërsa në terren nuk do të jetë prej 6 deri 8 muaj, FIFA do të paguajë në vend të Juventusit rreth një milion euro.
