Pas pushimit për shkak të ndeshjeve të reprezentacionit të Maqedonisë, topi rikthehet në kampionatin vendor. Shkëndija e Tetovës në kuadrin e javës së 24-të në teren dhe para shikuesve të saj e pret Makedonija GJP. Mesfushori Armend Alimi se të gatshëm e presin vazhdimin e sezonit dhe normalisht pikët të mbesin në Tetovë. “Shkëndija e gatshme pret vazhdimin e garave në Ligën e Parë, pasi pauzën e kemi shfrytëzuar në mënyrë të balancuar për të pushuar nga ritmi i ndeshjeve paraprake, por edhe për tu përgatitur maksimalisht për atë që pason. Në skuadër kemi atmosferë të mirë pune, secili i dinë detyrat dhe obligimet e veta dhe në kushte të tilla ne presim në gatishmëri sfidën e radhës”, deklaroi për “Lajm”, Armend Alimi, për të shtuar: “Kemi punuar për takimin me Makedonija Gj.P. si për çdo ndeshje tjetër dhe ne këtë përballje e shikojmë me seriozitet maksimal. Nuk ka ndeshje të lehta apo të rënda, për të fituar duhet impenjim maksimal në çdo takim dhe nëse ne kemi qasjen e duhur, nuk ka skuadër në vend që mund të na shkaktojë probleme. Normal i marrim gjërat me radhë dhe tani gjithë vëmendjen e kemi kah sfida e të dielës, në të cilën presim paraqitje të mirë dhe tre pikë të reja në konton tonë”, theksoi ai. Shkëndija-Makedonija GJP do të luhet të dielën në stadiumin e qytetit në Tetovë me fillim prej orës 15:00.
Ndeshjet, java e 24-të
(E diel, ora 15:00)
Shkupi-Pelister
Sileks-Renova
Vardar-Rabotnicki
Shkëndija-Makedonija GJP
Pobeda-Bregallnica
Renditja:
1.Vardar 53
2.Shkëndija 47
3.Rabotnicki 39
4.Pelister 36
5.Renova 31
6.Sileks 31
7.Shkupi 22
8.Pobeda 20
9.Makedonija GJP 16
10.Bregallnica 12
